1-اول شي هذا هو اسم البرنامج وشكله
2-بعد ماتحملين البرنامج اول ماتدخلين لازم تسوين لك حساب ف راح تضغطين على الاشتراك
3-بعدها راح يطلب منك الاسم الي راح يظهر للمضافين عندك وأصدقائك.
4-بعدها تاريخ ميلادك السنة والشهر واليوم
5- بعدها لازم تضعين اسم المستخدم الي هو عشان اذا بتنشرين حسابك تنشرين هذا الاسم ولازم يكون باللغه الانجليزيه ولازم يكون اسم ماحد استخدمه من قبل ف حطي اسمك بالانقلش وارقام وكذا وراح يقبل
6- بعدها خلاص راح يصير لك حساب اذا ماكنت غلطانه ..ولازم تضيفين ناس بعلمك كيف تضيفين اشخاص وهذي الصوره شكل الكاميرا والدائره الكبيرة هي عشان تلتقطين الصور. واذا كنتي تبغين تصورين فيديو لازم تضغطين لمدة على الدائرة وتظلين ضاغطه وبيبدأ تصوير الفيديو لين ماترفعين صبعك يوقف التصوير
7- لما تلتقطين الصورة بيجي لك هالشكل. وتسوين الصوره على كيفك وتقدرين تزيدين عدد الثواني من الدائرة الي فيها رقم
وتقدرين تكتبين على الصوره من خلال حرف الT الي فوق
وتقدرين تكتبين بخط يدك من خلال القلم وتقدرين تغيرين مابين فيسات وقلم يعني تكتبين بالفيسات
وتقدرين تحطين فيسات كبيره من خلال شكل الورقه وتقدرين تقصين شي من خلال المقص وفيه علامه للنجوم اذا كنتي تبغين تحذفين شي من الصوره تحددينه وينحذف كلهم هالاشياء فوق بعض
8 - وتقدرين تغيرين الفلتر من خلال تحريك يمين ويسار وراح يطلعون لك فلاتر تغير الوان الصوره او الفيديو او فلتر اسم المدينة الي انتي فيها او الساعه والطقس وفيه فلاتر جديده تتغير كل فتره
9- وفي اسفل الصوره الي التقطتيها بيكون سهم للاسفل هذا لحفظ الصورة ام في السناب نفسه الي هو يسمى ذكرياتي او في استوديو الصور مع ذكرياتي عاد انتي اختاري اذا كنتي تبغين تحفظين الصور والفيديوهات
وبجانب السهم فيه مربع هذا لنشر الصورة اما في العام يعني كل المضافين عندك يقدرون يشوفونها او بالخاص وتحددين الأشخاص الي تبغين يشوفون الصوره
ملاحظه :: زر قصتنا هذا الزر لاتقربيه ابد لانه ينشر للعالم كله يعني الناس كلها يقدرون يشوفون الصوره الي نشرتيها ..ف انشريها في قصتي الي هو بس للمضافين عندك
بكمل الشرح بعدين هههه قوم اتسحر